مرحبا ,, 
اخباركم وكيف الاجازة والصيف الحاااار معاكم؟ و المشاوير و الطلعات...عاد اجازة و وناسه
المفروض اجازة واكون مبسوطة بس للاسف ما عندي اجازة مثل الناس , من جد شي يرفع الضغط لاني راح اداوم والناس نايمة و زيادة من هالسواويق اللي يقرفوا الواحد بتصرفاتهم , مشكلتي يمكن كثير ناس تحصل معاهم لان الاغلبية عندها سواق وياكثر مشاكلهم المهم حبيت افش خلقي! لا انفجر. 
انا اتعامل مع شركات تاجير سيارات مع السائق لانه ما عندي احد يوصلني لدوامي او مشاويري وكان ماشي الحال يوم هيك و يوم هيك. بس تعبت من هالشركات اول شي لانه الموظفين عندهم اتوقع محد يدري كيف يشتغلوا يعني انا اتصل ع الشركة واشترط مثلا يكون السائق لمشاويري ومحد يركب معاه لاني مالي خلق ادور ع البيوت وناخذ فلانة ونوصل فلانة يقولوا اوكي بعدين اتفاجئ يوم يجيني متأخر و كل يوم يقولي عذر او يجي ومعاه بنت في السيارة !!مين هذي يقول بس اليوم مشوار في الاخير اكتشف انه يتعامل مع اكثر من وحدة و عنده مشاوير ثانية هذا غير اسعارهم .
المهم بما ان عندنا سيارة هيك واقفة بلا فائدة و مافي احد يسوقها قررنا نجيب سواق.
وجبنا السواق 
طبعا كل الانواع مرت علي فيه اللي ماشاء الله نفسي يكون سواقنا طول العمر وبعضهم اسبوع او شهرين بالكثير و نمشيهم بس مر علي سواق غير عنهم كلهم حسبي الله عليه .
اصلا من اول يوم جا وانا ما ارتحت له بتاتا بتاتا (الحاسة السادسة شغالة ) ههههههههه
قلت لامي شكله هيك شايف حاله امي قالت كيفه هو يوصلنا وبس واهم شي ما يدخن
قلت صح اهم شي يوصلنا ونرتاح من شركات التأجير .و تعالوا شوفوا هالسواق وايش حصل منه , يوم يصحى متأخر يوم يتأخر علينا بالداوم يوم مش عارف ايش و يا كثر المواقف اللي صارت منه بقولكم بعضها.وانتو احكموا
اول موقف كان من اول يوم اشتغل فيه وانا راجعة للبيت طلبت منه يوقف عند صيدلية وقفنا ونزلت وقبل ما اقفل الباب التفت السيد "جمشير" يقول جيب باسكوبان!!
واللي ما يعرف شو باسكوبان هو دواء للمغص
انا صراحة شكيت في سمعي قلت يمكن اتخيل او شي ولما ما رديت رجع عادها وقال : باسكوبان باسكوبان انا في تعبان. يعيدها عشان اسمعها كويس
ما رديت عليه و نزلت و عيني طايره وانا افكر ايش هالوقاحة وايش اسوي فيه و اقول في نفسي هذا اللي ناقص اجيب دواء (عساك المغص اللي ما تقوم منه ) , من جد كان نفسي اضربه , بس
ثاني موقف رحنا للسوبرماركت انا والوالدة طبعا مع جمشير "اقصد الشيخ جمشير" نجيب مقاضي للبيت و احنا بالسوبر شفت واحد يشبه سواقنا .....ياربي يمكن هو..يمكن مو هو المهم , كملنا السوق وطلعنا و اتصلت عليه قلت فينك جيب السيارة قال انا يجي وقفنا ننتظر السيارة و اشوفه طالع من السوبرماركت جا وحط الاغراض بالسيارة , وهو يحط الاغراض
قال : هذا كثير اغراض كثير خسارة فلوس كم فلوس هذا اغراض!! انا شوف كله نفر سعودي يشتري اغراض
هذا سعودي فلوس كثير كثير ..ايش في فايدة يشتري من هنا!!
قلت الله اكبر عليك يا شيخ وعلى عيونك خلي الناس في حالهم واركب وبعدين انت فين كنت ايش ينزلك السوبرماركت
قال: انا ينزل يشوف صديق!! فيه مشكلة؟؟
يا سبحان الله صديق بالسوبرماركت و جاي تقولي بكم الاغراض والناس يشتروا كثير ومدري ايش ,
المهم امي قالت له شوف يا جمشير كلام كثير ما ابغى انت
سواق ســــواق ســــواق و بس
تاني مرة انا يروح سوق , يروح سوبرماركت, يروح اي مكان انت ما تنزل من السيارة ولا تفتح فمك غير لما اكلمك
قفل فمك تسوق وبس هذا شغلك
عاد ساعتها عصب الشيخ جمشير و حمر و خضر وكل الالوان قال: طيب ماما
ولا قالها هو معصب , الافندي ما يحب احد يكلمه بالطريقة هذي (ويا كرهي لكملة " ماما " لما يقولوها).
ثالث موقف السيد" جمشير" صار يتاخر ع الموعد اقوله 11 يجيني مثلا 11,30 لما اسأله يقول زحمه و من هالكلام وله كم يوم وهو يتأخر , مرة قلت له يجيني 8 المساء جا الوقت والباشا ما وصل , و اتصل يقول خلاص انا قريب و ما جاني الا 9.15 !
و مدري ليش هذاك اليوم كان زحمه مررره ما وصلت الا 10:30 تقريبا
طبعا طول الطريق وانا اصرخ فيه فينك وليش اتأخرت وهو ساكت وصلنا البيت دخل السيارة ونزلت وانا ضغطي الفين رحت اشتكي لامي اقولها شوفي من ساعة وانا ملطوعة الناس راحت وانا انتظر وما جاني الا بعد ساعة ليتها نص ساعة , الناس طلعوا وانا قاعدة وساعة في الطريق شوفي حل معاه من فترة واحنا متحملينه كل يوم نقول يمكن يتعدل
نادته امي .. و جاالشيخ جمشير على اقل من مهله(بكل برود وبطء )نعم ماما امي تكلمه تقوله يا ابن الحلال ليش تروح متاخر كم مرة اقول لك لا تتاخر على البنت .....الخ و الكلام المعتاد
تدرو ايش جاوبنا السيد "جمشير" المعظم
قال:ماما انا من قبيلة كبير في باكستان كيف يسمع كلام حريم؟؟ ما يصير !!
هذا بنت مافي احترام انا
ههههههههههههههههههههههههههههههههههههههههه والله على قد ما انقهرت من كلامه بجد ضحكني
امي شكلها انصدمت من الرد ..وانا كمان لانه بصراحة فاجئنا برده
بس انا كنت معصبة ع الآخر وما صدقت يفتح فمه
قلت نعم نعم عسى لسانك ينقص قبيلة مين ,,, قبيلة كبير هناك في باكستان مو هنا انت دحين تشتغل سواق عند انا يا ........ عساك الحريقه انت وقبيلتك اللي تجيب مثلك
بعد دقايق امي دوبها صحيت من الصدمة قالت كيف مافي احترام ..قال انا تاخير بس نص ساعة هو كلم يقول فين انت ما وصل!!!
لازم صبر شوية لازم حرمة احترام انا رجال كبير ( كبرت علتك ان شاء الله )
والله طلعت مو محترمه وانا ما ادري عشان لما يتاخر اقوله ليش ما جيت اجل لو كنت اضربه و اشتمه واعامله بطريقة مو كويسه كان ايش قال
المهم امي قالت: عشان تتصل وتقول انت يجي صارت مو محترمه...انت تأخير وقت كثير مو دقيقة او 5 .. ليش
ولا تدري قفل فمك و جيب المفتاح روح الله لا يردك ..... عليك وعلى قبيلتك.و انقلع
بالله شو رأيكم فيه ,, من جد اتمنيت اني ولد هذيك الساعة بس عشان اضربه
من جد انا كل ما اذكر الموقف اضحك و المشكلة والله ابدا ما عاملناه بطريقة مو حلوة او ذليناه او قصرنا معاه بشي بالعكس إلا احترمناه بزياده عشان هيك طول لسانه الـ ...... , والله مدري ايش مفكر حاله
اجل ما تسمع كلام حرمه ! و يبغى يمشي كلامه علينا مو سواق والله هذا و وهو يشتغل عندنا قال ايش " انا من قبيلة " هههههههههههههه قبيلة ولا من نسل مدري مين,,, قبيلتك هناك في بلدك اتفاخر وقول زي ما تبغى
ولا اللي يضحك اكثر انه مستغرب ليه مشيناه و لما رجع ياخذ مستحقاته يقول ماما انا مافي تاخير انا يسوي كلام انت ..يعني مفكر راح نرجعه يشتغل. روح خلي قبيلتك تشغلك يا ...
وبس هذي قصتي مع جمشيررررر طبعا بعد ما مشيناه رجعت لشركات تاجير السيارة بالسائق فترة وحاليا سواق جديد الى الان الامور تمام والله اعلم شو المفاجئات اللي منتظرتنا
دعواتكم لي الاقي سواق همه شغله و بس.
ليست هناك تعليقات:
إرسال تعليق